Gjykata ka liruar 4 nga 6 të arrestuarit me urdhër të Prokurorisë së Sarandës, të dyshuar për tjetërsimin e mbi 10 mijë m2 truall në bregdet me dokumente të falsifikuara. Prokurori Kledian Llaho kishte kërkuar “Arrest në burg” për pesë nga të arrestuarit dhe “Arrest në shtëpi” për Rovena Alikajn.
Pas tri orë e gjysmë seancë, Gjyqtari Shkelzen Licaj ka vendosur masën “Arrest në shtëpi” për Pandi Zhongen, Drejtor i Urbanistikës në Bashki, Rovena Alikajn, juriste ne ASHK, Arhondia Caraj, përfituese trualli dhe Valter Llomi, përfitues trualli. Ndërkohë Aleko Anagnosti noter dhe Fredi Merkuri përfitues, u lanë në “Arrest në burg” me afat 45 ditë.