Categories Lajme

Pse Kazhani e Xhunga nuk bindën njeri me “helmin” që lëshuan ndaj banorëve të Astirit

Gazetaret Mira Kazhani dhe Rudina Xhunga sulmuan një ditë më parë banorët e Unazës së Re, ose Astirit siç i themi ndryshe, duke u shprehur gjithë mllef se ata kanë zaptuar tokat.Por dy gazetaret kanë lënë disa detaje pa përmendur.Në shkrimin e saj me titull “Pse nuk e fitoi simpatinë e njerëzve Astiri dhe gruaja që sot na e bëri më të lehtë ‘arrogancën’ tonë”, Kazhani shprehej se kurrë nuk kishte vajtuar për Astirin.

”Si gazetare, nuk vajtova kurrë për Astirin, sepse do të ishte ofendim dhe poshtërim për modelin e mijëra të tjerëve, që nuk qenë kaq ‘të zotë’ dhe ecën sipas rregullave, jo se ka pasur e kemi shumë por aq sa janë, janë meritë e njerëzve të hajrit dhe jo qeverive“, shkruante Kazhani.

Madje gazetarja nuk nguroi të dilte kundër një gruaje tjetër, banore e kësaj zone, duke bërë një tentativë për ta poshtëruar në sy të publikut.

Rudina Xhunga nga ana tjetër, ndërsa ishte e ftuar në rubrikën ‘Opinion’ në ‘News24’, tha se pavarësisht emocioneve, të gjithë i duan rrugët dhe tregoi eksperiencën e saj personale se si ishte vonuar dje për të shkuar në punë.

“Të gjithë njerëzit duan Unazën përtej të gjithave. Unë u vonova për një tjetër rrugë që nuk po funksionon. Të gjithë duam rrugët. Jemi emocionalë dhe bëhemi partiakë, bëhemi edhe njerëzorë sepse edhe ata që po u prishen shtëpitë janë njerëz. Pastaj ndërhyn politika.Unë erdha me një taksi sot dhe ti e di që unë vij me taksi. Taksisti ishte demokrat dhe më tha se më mban rroga ime ke privati. Nuk ia kam marrë tokën askujt dhe këta të shkojnë te toka e tyre. Përtej emocionales, njerëzores e politikës, njerëzit duan rrugën.’”– tha Xhunga. Ajo shtoi se “kush qëllon me gurë policinë do ndëshkohet”.

Ka disa arsye se përse Xhunga e Kazhani me deklaratat e tyre nuk bindin njeri, por më kryesorja është një: të dyja kanë harruar ose kanë lënë me vetëdije një fakt pa përmendur.

Në shkrimin e Kazhanit mungon pjesa thelbësore e historisë së Unazës së Re, afera korruptive prej 30 milionë eurosh. Xhunga gjithashtu nuk e përmendi këtë edhe pse çdo gazetar e ka parasysh një rregull në kokë kur nis të bëjë një shkrim – që faktet duhen paraqitur të gjitha para publikut, si publiku i interpreton ato është çështje tjetër.

Mbase banorët e Astirit janë të vetmit që preken drejtpërdrejt nga ky projekt, por mos të harrojmë se 30 milionë eurot që oligarkët përfitojnë nga kjo aferë korruptive janë paratë e taksapaguesve shqiptarë.

As qeveria dhe as mediat pranë qeverisë nuk mundën dot ta fshehnin këtë aferë, kur të gjitha faktet tregonin për falsifikim dokumentesh nga kompania “DH Albania”, kompania që Rama nuk kishte ngurruar t’i jepte tenderin.

Në një kohë kur çështja vijon në hetim, nuk mund të nisnin punimet për një projekt që ende nuk dihet se si do të konkludojë.

Së dyti, pavarësisht se këta banorë i kishin të legalizuara apo të palegalizuara këto banesa, dhuna shtetërore nuk mund të justifikohet ashtu sikurse thotë zonja Xhunga dhe zor se parrulla e saj bind ndokënd.

Banorët e Astirit prej më shumë se një viti i kanë bërë thirrje Ramës për dialog, por thirrjet e tyre kanë rënë në vesh të shurdhër. Kryeministri siç duket e ka patur më të lehtë të çojë policinë se sa të zbresë vetë në Astir e të rrezikojë t’i përmenden premtimet e tij në fushatën e vitit 2013, se “banesat e tyre s’do preken”. E faktuar kjo edhe me pamje filmike. Sikurse tha vetë Xhunga “jemi emocionalë”, ajo sëbashku me Kazhanin u mbështetën pikërisht tek emocionet e tyre personale dhe vetëm tek ato kur bënë këto deklarata./ Hashtag.al

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME
Categories Lajme

Përplasi makinën me të cilën po transportonte emigrantët e paligjshëm dhe u largua, arrestohet italiani në Korçë

Policia ka arrestuar në Korçë një shtetas italian, Massimo Compagnone, i cili përplasi automjetin me…

LEXO ME SHUME
Categories Lajme

Del raporti, “Wiz Air” vonesa dhe anulime me 60 për qind të fluturimeve nga Tirana

Nje raport i fundit tregon se në Aeroportin e Tiranës jatë vitit te kaluar 2023…

LEXO ME SHUME
Categories Lajme

Shqiptari arratiset nga burgu në Zvicër

Një i burgosur u arratis nga burgu Uauuilermoos i Lucernit me kusht. Ai ishte dënuar…

LEXO ME SHUME
Categories Lajme

I riu dhunon 44-vjeçarin dhe e bën për spital, largohet nga vendngjarja me makinë!

Rreth orës 11:30, te ura e Cenit, për shkak të një konflikti për motive të…

LEXO ME SHUME