Përfaqësuesja kurde, Hevrin Khalaf u ekzekutua nga Ushtria Kombëtare Siriane të mbështetur nga Turqia, thuhet nga provat e reja të publikuara sëfundmi nga BBC në gjuhën arabe.

Sipas BBC politikania 34-vjeçare u vra nga grupi rebel Ahrar al-Sharqiya, i cili lufton për SNA.

Ajo është qëlluar 20 herë në një pritë në veri-lindje të Sirisë më 12 tetor të vitit 2019 gjatë një sulmi të udhëhequr nga Turqia për të shtyrë Njësitë e Mbrojtjes së Popullit kurd jashtë kufijve të saj.

Mbështetja e pretendimeve të bëra më parë nga Forcat Demokratike Siriane të udhëhequra nga kurdët tregojnë se zonja Khalaf u nxor dhunshëm nga makina e saj gjatë një sulmi dhe u ekzekutua.

Automjeti i saj, i cili kishte dritare me xham antiplumbash, u qëllua nga Ahrar al-Sharqiya ndërsa po udhëtonte në autostradë.

Ndërsa shoferi i Hevrin, Farhad Ramadan, vdiq menjëherë në vend nga plumbat e marrë.

Ekzaminimet mjekësore treguan se të dy këmbët e Hevrin ishin thyer dhe se ajo ishte nënshtruar një sulmi të rëndë fizik.

Ndërkohë sipas BBC mësohet se qeveria turke, që përkrah Ushtrinë Kombëtare Siriane, nuk ka preferuar të reagojë apo jap ndonjë koment lidhur me detajet më të reja që lidhen me vrasjen barbare të udhëheqëses kurde.