Është publikuar fotoja e 34-vjeçarit Viçens Piroli, i cili mbeti i plagosur mbrëmjen e sotme në Shkodër (në fillim u raportua në Lezhë).
Mësohet se Piroli nuk është një emër i panjohur për policinë pasi ai ishte shpallur në kërkim ndërkombëtar në tetor të 2021, për shkak se akuzohej për vrasjen e një shtetasi malazez, Momçillo Gjurishiç.
Ngjarja në fjalë ka ndodhur në Ulqin në lokalin e viktimës, më 4 korrik 2021. Kjo vrasje dyshohej se lidhej me një tjetër vrasje të ndodhur në 2017.
Ndërkohë në lidhje me plagosjen e sotme, policia dyshon se Piroli ka fshehur ngjarjen pasi mund t’i kthehet në akuzë. Ka qenë një kushëri i tij, i cili e ka dërguar fillimisht në Spitalin e Lezhës dhe më pas u nis drejt Tiranës për trajtim më të specializuar.
Rrethanat e plagosjes janë të paqarta. Po ashtu i paqartë dhe kontradiktor ka qenë edhe vetë Piroli në dëshmitë paraprake.