Gjykata e Korçës vendosi detyrim paraqitjeje për përgjegjësin teknik dhe manovratorin e vinçit, të cilët u arrestuan pak ditë më parë pas aksidentit ku humbi jetën një 36 vjeçar teksa punonte në një pallat në ndërtim dhe u plagos shoku i tij punëtor. Prokuroria ka kërkuar për Flamur Palla dhe Aurel Zyma masën e sigurisë detyrim paraqitje, kërkesë që është pranuar nga gjykata. Prokuroria është në pritje të konkluzioneve të ekspertëve, për të përcaktuar shkakun e vdekjes së 36 vjećarit Elvis Josifi dhe plagosjen e kolegut të tij në 3 janar.