KurioziteteLajme

Punonjësja hedh në erë vendin e punës: Shefi më shkaktonte stres

Një punonjëse e pakënaqur dyshohet se hodhi në erë një magazinë nafte ku ajo punonte sepse shefi i saj e kishte stresuar. Ngjarja ka ndodhur në Tajlandë.

Ann Sriya, 38 vjeç, u pa në kamera duke hyrë në magazinën e naftës dhe hodhi një copë letre të ndezur në një enë karburanti, gjë që shkaktoi flakë masive në ndërtesën ku ruheshin mijëra litra naftë. Flaka u përhap me shpejtësi për shkak të materialit të ndezshëm të vendosur brenda.

Nga magazina njëkatëshe dolën shtëllunga të errëta tymi ndërsa më shumë se 40 zjarrfikëse punuan për të shuar zjarrin masiv. Zjarrfikësve iu desh gjithashtu të parandalonin që vaji i djegur të derdhej në një kanal dhe të arrinte në një zonë të banuar aty pranë. Thuhet se u deshën katër orë për të vënë zjarrin nën kontroll.

Ajo rrëfeu se kishte kryer zjarrvënie dhe pretendoi se ishte shtyrë nga stresi që i kishte shkaktuar punëdhënësi i saj 65-vjeçar, Pipat Ungprapakorn, raporton LB.

Gjeneralmajor Chomchawin Purthananon tha: “Kjo është hera e dytë që një zjarr përhapet nga kjo fabrikë. Gruaja ka nëntë vjet që punon për Prapakorn Oil. Ajo tha se punëdhënësi i saj u ankua tek ajo dhe i shkaktonte stres çdo ditë e ajo nuk priste që zjarri të shkaktonte këtë nivel dëmi”. Ann u mbajt në paraburgim ndërsa policia intervistoi pronarin e fabrikës.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: