Një incident është regjistruar gjatë mbrëmjes së djeshme në Krushevcë të Serbisë, ku një autobus me pasagjerë nga Kosova është sulmuar me gurë.
Sulmi ndodhi rreth orës 22:20.
Një nga pasagjerët, Uka Halilaj deklaroi për RTK-në se të gjithë udhëtarët u tronditën nga ngjarja në fjalë.
“Kemi qene të tronditur, ne ishim duke udhëtuar me linjën Prishtinë-Austri me Agjencinë “Festimi”. Jemi ndalur pas 300 metrash”, tha ai.
Ende nuk është bërë me dije kush qëndron pas këtij sulmi.