Lajme

Qytetarët denoncojnë: Kam bërë vaksinën Pfizer, në sistem më del Sinovac

Me rregullat e reja të vendosura nga Bashkimi Europian për shkak të pandemisë së Covid-19, për të udhëtuar duhet pasaporta e gjelbër me vaksinat që janë të njohura nga BE, ndër të cilat është edhe Pfizer.

Por, një çift në Shkodër kanë hasur në një problematikë. Fatmira dhe Xhemal Hajredini në 30 Gusht u drejtuan në Qendrën Shëndetësore nr.2 për të bërë vaksinën Pfizer dhe në 20 Shtator bënë edhe dozën e dytë me infermieren Valdete Pashaj.

Disa ditë më vonë shkuan te “Adisa” për të tërhequr certifikatën e vaksinimit, pasi donin të shkonin te djali në Gjermani. Fatmira ishte në rregull, por i shoqi, Xhemali, rezultonte në sistem se kishte bërë vetëm dozën e parë në 16 Prill të vaksinës Sinovac. Në këtë pikë Fatmira dhe Xhemali shkuan në Qendrën Shëndetësore nr.2 dhe i thanë infermieres ta zgjidhte problemin e krijuar. Por asgjë nuk u bë.

Fatmira Hajredini: Më 30 Gusht kemi bërë vaksinën Pfizer, unë edhe burri im. Vaksinën e kemi bërë në lagjen tonë te qendra numër 2 me infermiere Valin. Infermierja na mori në telefon mbrapa, u interesua si shkoi vaksina. Na shkoi shumë mirë nuk kemi pasur shqetësim. Më 20 Shtator kemi bërë vaksinën e dytë. Na ka shkuar shumë mirë vaksina, s’kemi pasur asnjë shqetësim. Pastaj shkova te ADISA, u ula unë e para, i dhashë të dhënat e kartës edhe ai djali më dha këtë kartën. Ne kemi dashur të ikim jashtë shtetit dhe nuk ikëm, se na bllokon, i japin burrit këtë që më kanë dhënë mua, i thotë nuk e ke bërë, ke bërë vetëm një vaksinë, duhen 2 vaksina.

Pas qytetarëve të interesuar, në qendrën shëndetsore shkoi gazetarja e “Stop”. Infermierja Pashaj thotë se është në rregull dhe në formularët e saj të komunikimit provohet se dy bashkëshortët Hajredini kanë bërë dy dozat e vaksinës Pfizer.

Nga ana tjetër, çifti i bashkëshortëve Hajredini kërkojnë zgjidhjen e problemit pasi duan të shkojnë në Gjermani te djali i tyre.

Fatmira Hajredini: Kërkoj që të më dalin vaksinat në sistem që të udhëtoj e lirë si gjithkush.

Xhemal Hajredini: Unë dua të shkoj te djali, e kam jashtë në Gjermani.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: