Është zbardhur dinamika e rënies së zjarrit në një magazinë që vijon të digjet që prej pasdite të së të mërkurës, tek mbikalimi i Kamzës në kryeqytet.

Magazina 1000 m² i është dhënë me qira një subjekti privat për tregtimin e rrobave, nga administratorët e qendrës tregtare.

Pasditen e djeshme ka mbërritur një kamion me rroba.

Tre ose katër punëtorë kanë qenë duke shkarkuar kamionin. Sapo është hapur vatra e zjarrit, njëri prej punonjësve të sigurisë ka lajmëruar në radio: Ra zjarr, zjarr.

33-vjeçari Arjan Sala ka shkuar drejt vatrës me bombolën e fikses së zjarrit, ndërsa kolegu i tij ka dal jashtë për marrjen e një bombole tjetër.

Për punë sekondash, zjarri ka marrë përmasa të mëdha për shkak të materialeve lehtësisht të djegshme.

Edhe pse kanë kaluar shumë orë, ende nuk është gjetur Arjan Sala, shefi i rojeve të sigurisë i cili dyshohet të ketë humbur jetën.

Familjarët kanë tentuar të lidhen disa herë me të nëpërmjet celularit, por pa sukses.

Xhaxhai i 30-vjeçarit mbrëmë tha se shpresat i kanë vetëm te Zoti, pasi shteti nuk e ka bërë detyrën.

I riu është prind i një djali 2 vjeç dhe kishte disa vite që punonte në sektorin e sigurisë në këtë magazinë, ndërsa tashmë ishte bërë përgjegjës