Categories Lajme

Rama: 30 mijë vaksina të tjera Pfizer vijnë në Prill

Pasi mori dozën e dytë të vaksinës antiCovid, kryeministri Edi Rama tha për gazetarët se Shqipëria ka hyrë në fazën e zbatimit të kontratës së Pfizer-it. Sipas tij kjo pjesë është e rëndësishme pavarësisht se të hënën erdhën në Shqipëri shumë më pak doza nga sa ishin parashikuar.

Shqipëria sëbashku me Serbinë janë të vetmet vende që kanë nisur vaksinimin për mjekët dhe infermierët, tha kreu i ekzekutivit. Po ashtu ai njoftoi se mbrëmjen e kaluar ka marrë konfirmimin se gjatë muajit Shkurt do të vijnë mbi 40 mijë doza nga Pfizer. Me ardhjen e këtyre dozave, Rama tha se është i mundur vaksinimi i gjithë bluzave të bardha, por do të niset edhe me të moshuarit.

Mesa kemi mësuar imunizimi ka nevojë për të gjithë ciklin dhe ajo që është më e rëndësishme është që kemi hyrë në zbatimin e kontratës me Pfizerin. Dje kanë ardhur dozat që kanë hapur rrugën. Natyrisht që nëse i shohim numrat ngushtë dhe nëse nuk e shohim të gjithë panoramën dhe të gjithë planin atëherë duket shumë pak, por në fakt, e para mos të harrojmë që në rajon jemi i vetmi vend së bashku me Serbinë që ka hyrë në zbatimin e kontratës dhe ka filluar vaksinimin për mjekët dhe infermierët. Së dyti mos të harrojmë që situata e përgjithshme e vaksinimit në krejt Europën është tejet kaotike. Së treti po dje në darkë vonë kemi marrë konfirmimin nga Pfizer që në mesin e shkurtit mbërrijnë 10 mijë e kusur dozat e parashikuara dhe brenda shkurtit vijnë edhe 30 mijë e kusur dozat e tjera sipas angazhimit të darkës së vonë mbrëmë. Jemi gati të vaksinojmë të gjithë mjekët dhe infermierët dhe të fillojmë me ata që janë në moshë më të thyer”, tha Rama.

Kryeministri shtoi se qeveria është pranë një marrëveshje me AstraZeneca, ndërsa theksoi se skenari për vaksinimin e popullatës në 14 muaj është ende i realizueshëm.

Kreu i qeverisë tha se situata është dinamike, ndërsa premtoi se do të bëjë publike analizat e antitrupave për të vërtetuar që nuk ka marrë ujë fiziologjik, por vaksinën.

“Nuk ka gjëra fikse, nuk ka data fikse është një situatë dinamike për të gjithë. Lërjani shkencëtarët shkencën dhe mos ndërhyni në debate që janë shumë të komplikuara të natyrës shkencore. Vaksina është me dëshirë. Vaksina nuk është me pagesë, është falas. Ne iu këshillojmë të gjithëve që të mos hezitojnë që ta bëjnë. Arsyeja pse vij këtu është vetëm për të përcjellë këtë mesazh. Siç kam premtuar do t’ju vë në dispozicion analizën e antitrupave për të parë ka pasur apo jo efekt, ka qenë ujë fiziologjik nga rrjetat e kokës së analistëve apo ka qenë Pfizer. Për të tjerat duhet durim, ne jemi ditë natë për këtë punë realisht”, tha Rama.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME