Lajme

Rama i kërkoi të mos i hiqte titullin “Qytetar Nderi” Veton Surroit, merr vendimin prefekti i Kukësit

Prefekti i qarkut Kukës Zenel Kuçana ka refuzuar heqjen e titullit “Qytetar Nderi” për Veton Surroin, duke hedhur poshtë kështu vendimin e Këshillit Bashkiak. Kuçana tha ligji për vetëqeverisjen vendore nuk i jep tagër Këshillit Bashkiakë që të heq titujt e nderit, dhe për këtë ai e ktheu mbapsht vendimin e marrë. Surroi e kishte marrë titullin e qytetarit të nderit që në vitin 2015, ndërkohë që me propozim të Gjicit, me pretendimin se kishte fyer luftën e UÇK-së, Këshilli Bashkiak vendosi që ti hiqej.

Kjo solli një debat të madh në skenën publike në vend, ku u desh dhe reagimi i vetë Ramës, që i kërkonte prefektit të mos e miratonte vendimin, të asaj që ai e quante një ”marrëzi kolektive”. “Vendimi i Këshillit të Qarkut të Kukësit për heqjen e titullit “Qytetar Nderi” Veton Surroit është një lajthitje kolektive që uroj Prefekti do ta refuzojë! Ndërkohë parlamenti duhet të ndërhyjë për ta normuar njëherë e mirë çështjen e titujve e të medaljeve.

Ky vend s’mund të jetë një planet më vete brenda botës që e ka sistemuar me kohë e me vakt këtë punë, ku s’ka president që jep medalje për heronjtë e luftërave të shkuara se kështu i thotë koka dhe s’ka këshill që ia heq titullin dikujt me kërkesë të disave! Boll me këtë absurd!”, shprehej Rama atë ditë. Ndërkohë pas Ramës, do të reagonte atë ditë edhe Gjici, që kërkoi falje për vendimin e marrë, që gjerësisht u interpretua si një qokë ndaj kryeminsitrit, për shkak se ky i fundit ishte kritikuar nga ana e Veton Surroit.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: