Categories Lajme

Rama komenton në Bruksel samitin e djeshëm në Tiranë: Shqipëria i ofroi BE-së buzëqeshje, liderët flisnin për diellin, sikur kishin dalë nga një shpellë

Një ditë pas samitit BE-BP që u mbajt në Tiranë, kryeministri Edi Rama, fluturoi për në Bruksel ku po flitet për mbajtjen e takimit të djeshëm. Rama tha se samiti ishte i jashtëzakonshëm për historinë e Shqipërisë në marrëdhëniet ndërkombëtare dhe se mbajtja e tij në Tiranë tregoi BE ka nevojë për Ballkanin, njëjtë sa ky i fundit për unionin.

“Ne kemi ardhur nga ferri, por jo nga ai francez, kemi qenë tërësisht të izoluar. Për ne Jugosllavia ku jetonin këta djem këtu ishte një lloj planet i lirisë, më mirë se BE, në ca mënyra, përveç vëllezërve e motrave tona kosovare. Por, faktikisht ne natyrshëm u bëmë kaq të përkushtuar ndaj BE saqë askush dhe asgjë nuk mund të na ndryshojë. Për të qenë seriozë samiti i djeshëm ishte një ngjarje e jashtëzakonshme, më e rëndësishme në marrëdhëniet me jashtë të Shqipërisë. Në kanun, ka një pjesë të rëndësishme, shtëpia e shqiptarit i përket zotit dhe mikut. Nënkupton që çdo mik është vullneti i Zotit. Dje kishim perëndi e miq, se perënditë e BE erdhën në Shqipëri, ishte e jashtëzakonshme. Por më shumë se çdo gjë tjetër për rajonin për mua ishte një sinjal i qartë që është kuptuar tanimë që BE ka nevojë për Ballkanin perëndimor po aq sa Ballkani Perëndimor”, tha Rama.

Rama u ankua edhe për kohën e lënë në dispozicion për të folur, duke thënë se liderëve të Ballkanit nuk u mjaftojnë vetëm 5 minuta kohë, por nëse do t’iu jepnin kohë pa fund ata do të vijonin të flisnin.

“Ftoni njerëzit nga Ballkani dhe iu thoni 3 minuta, 5 minuta, duhet t’iu japësh kohë për të folur pafund. Të gjithë mund të ikin ne duhet të vazhdojmë të flasim. Sepse liria e fjalës ishte kaq e ndaluar, ne vijmë nga ferri”, tha Rama.

Rama tha se i dha buzëqeshje gjatë mbajtjes së samitit BE-Ballkani Perëndimor në Tiranë. Sipas Ramës, ata ishin më mirë se sa kur mblidhen në kryeqytet e mëdha e depresive.

“Kur dikush më pyeti, çfarë Shqipëria mund t’i sjellë Europës? I thashë mund të sjellim buzëqeshje dhe dje sollëm buzëqeshje. I patë fytyrat e tyre dje? Ishin më mirë se sa kur mblidhen në Brukselin e mërzitshëm, në kryeqytetet depresive e të mëdha. E bukur ishte fotoja në grup dhe dëgjoja pas meje, dielli, shikoje diellin, sa diell i bukur. Dukej sikur kishin dalë nga një shpellë dhe po i gëzoheshin diellit. Këto janë gjërat e mira që i dhamë dje BE. Për të folur për buzëqeshjen, është më e thellë se ajo që duket. Ne kurrë nuk jemi të mërzitshëm. Ne jemi shumë besnikë dhe popullariteti i BE në Shqipëri vijon të mbetet shumë i lartë”, tha Rama.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Eksperti i sigurisë: Ervis Martinaj është gjallë!

Eksperti i sigurisë, Fatjon Softa ka deklaruar këtë të hënë se Ervis Martinaj, i cili…

LEXO ME SHUME
Categories Lajme

Zbardhen detaje nga ngjarja tronditëse në Krujë/ Pasi hodhi foshnjën në lumë, nëna shkoi vetë në komisariat

42 vjeçarja Leta Koçi është paraqitur vetë në komisariatin e Krujës dhe ka deklaruar se…

LEXO ME SHUME
Categories Lajme

E rëndë në Krujë, 42-vjeçarja lind në shtëpi dhe hedh foshnjën në ujërat e lumit

Një ngjarje e rëndë është regjistruar gjatë ditës së sotme në fshatin Tapizë të Krujës.…

LEXO ME SHUME
Categories Lajme

Aksident në Fier, makina përplas biçikletën dhe largohet nga vendngjarja, plagoset një person

Një aksident ka ndodhur pak minuta më parë në lagjen “ Sheq i Madh” të…

LEXO ME SHUME
Categories Lajme

Covid-19 mund të jetë prodhuar nga një laborator

Ekziston një studim australian që do të vërtetonte origjinën e virusit që shkakton infeksionin Covid-19,…

LEXO ME SHUME