Lajme

Rama: Pse e lashë Taulant Ballën jashtë qeverisë dhe riktheva Damian Gjiknurin

Kryeministri Edi Rama ka dhënë versionin e tij për zhveshjen nga funksionet të Taulant Ballës dhe rikthimin si “numri 2” i PS-së i Damian Gjiknurit i përfolur në përgjimet e dosjes së Dibrës. Rama e la Ballën pa post ministror edhe në kabinetin e tretë dhe e uli në detyrë. Kryeministri deklaroi se kjo vjen si pasojë e “rritjes së volumit të punës”, që Balla tani do ta ndajë me Gjiknurin.

“Taulanti është kryetar i grupit parlamentar të PS. Është një detyrë që ka përgjegjësi të madhe dhe gjatë këtij mandati do të ketë një përgjegjësi edhe më të madhe.

Ndarja e detyrave ka të bëjë me ndryshimin themelor që po i bëhet PS-së. Edhe pse PS është ku e ku me disa parti në disa aspekte prapë është njëlloj si të tjerat për disa aspekte. Na duhet një sekretar i përgjithshëm që të jetë non stop i angazhuar. Është rritur shumë volumi i punës. Njëri bën një punë njëri një tjetër. Nuk ka senatorë dhe kategori të tjera në PS. Këto janë terma gazetareske. Kjo është një skuadër që secili bën punën e tyre.

Gjiknuri? Kemi humbur shumë kohë me këto biseda dhe unë nuk humb kohë me këto biseda. Janë njerëz që përtej përfoljeve dhe stërfoljeve. Ata kanë bërë punë” – tha Rama në Opinion.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: