Lajme

Rastet me koronavirus janë dhjetëfishuar në dy javë, mjekja bën apelin e rëndësishëm!

Mjekja e familjes Diana Hysi, prej më shumë se dy vitesh ka trajtuar pacientë të prekur nga Covid 19 në Qendrën shëndetësore Nr. 1 në Tiranë. Në eksperiencën e saj, ka ndjekur të gjithë variantet e këtij infeksioni, dhe ndan me ABC këtë përvojë.

Ajo thotë se koronavirusi ka pësuar ndryshime. Tek pacientët e saj ka vënë re që ky infeksion bëhet ngjitës vetëm nëse shfaqet një simptomë, kryesisht temperatura. Më parë edhe të sëmurët asimptomatik mund ta transmetonin.

Ka më shumë se dy javë që në Qendrat shëndetësore rastet pozitive me Covid janë 10 fishuar.

Kjo valë e re e koronavirusit po i gjen mjekët përballë një tjetër vështirësie. Pacientët vijnë të vizitohen pa mbajtur maske, duke i vendosur në rrezik. Krahas kësaj hasen edhe me kundërshtitë e tyre për të bërë tamponin.

Mjekët apelojnë që në momentet e para që qytetarët të vënë re ndonjë simptomë, duhet të vendosin maskë. Edhe nëse nuk dëshirojnë të bëjnë tampon, të paktën të shmangin kontaktet me persona të tjerë.

Artikuj të ngjashëm

Leave a Reply

Your email address will not be published. Required fields are marked *

Back to top button
Close