fbpx
Lajme

Reshjet e dendura/ Mamaj: Po punohet për hapjen e rrugës Gjirokastër-Sarandë, Vjosa nuk paraqet problematika

Prefekti i qarkut të Vlorës, Flamur Mamaj, në një prononcim për ATSH-në, foli sot mbi situatën e krijuar nga moti i keq me reshje të dendura shiu në territorin e kësaj prefekture, që ka sjellë probleme me bllokimin e dy akseve nacionale. Mamaj tha se për shkak të daljes nga shtrati të lumit Bistricë ka një situatë të vështirë në rrugën nacionale Gjirokastër-Sarandë. Por sipas tij, rruga tani është duke u zhbllokuar dhe situata po normalizohet nga hapja e portave të HEC-it të Bistricës.

Po ashtu, Mamaj tha për ATSH-në se në Borsh, Lukovë, ka një rrëshqitje të rrugës nacionale. “Janë lajmëruar nga bashkitë e Finiqit e Himarës firma koncensionare e mirëmbajtjes së rrugës për të stabilizuar situatën”, tha Mamaj.

Prefekti i qarkut të Vlorës theksoi se “jemi në monitorim të vazhdueshëm të situatës, por për momentin reshjet kanë pushuar në gjithë territorin e kësaj prefekture, ose janë me intensitet shumë të ulët”.

“Lumi Vjosa për momentin nuk paraqet ndonjë problematikë. Presim që situata të shkojë drejt normalizimit në orët në vijim, por gjithmonë nëse nuk ka përkeqësim të kushteve të motit. Jemi në pritje të parashikimit nga Shërbimi Meteorologjik për situatën në vazhdim”, tha ai.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button