Këtë të shtunë është riaktivizuar sërish vatra e zjarrit në malin e Dukatit. Deri më tani si shkak i zjarrit janë djegur sipërfaqe të mëdha me shkurre e kullota.
Zjarrfikësit po punojnë për shuarje e flakëve, por puna e tyre vështirësohet edhe për shkak të terrenit shumë të vështirë. Ndërkohë fatmirësisht për shkak të largësisë nuk rrezikohet asnjë qendër e banuar.
Flakët kanë djegur 10 hektarë shkurre e kullota në mal, të cilat janë favorizuar dhe përhapur me shpejtësi nga era.