Zjarri u rikthye sërish sot në Karaburun. Pas situatës problematike në fillim të muajit Gusht, mesditën e sotme u shënua një tjetër vatër zjarri në Karaburun.
Aktualisht situata paraqitet e qetë, pasi edhe me ndihmën e helikopterit flakët janë vendosur nën kontroll duke u shuar. Por në fillim ato paraqisnin rrezik pasi ishin shumë afër bazës ushtarake të Pashalimanit. Në të gjithë vendin janë ende disa vatra aktive zjarri nga veriu në jug të vendit.
