Bombolat e gazit tashmë gjejnë përdorim në çdo familje apo biznes. Inspektoriati Shtetëror Teknik Industrial, tregon se që të jemi sa më të sigurt, duhet që bombolat të kolaudohen çdo 5 vite. Duke marrë shkas edhe nga incidentet e ndodhura nëpër biznese të ndryshme, siç janë dhe byrektoret, inspektori Dokaj shprehet se duhet bërë kujdes nga rrjedhja e gazit.
”Gjëja e parë që duhet të kenë kujdes është të shohin nëse ka rrjedhje. Në rastin e një byrektoreje të shohin mos ka erë apo rrjedhje dhe në rast se ka duhet të gjejë burimin ta mbyllë bombulën. Shpeshherë në byrektore kemi vënë re se i ndezin me letra”.
Cilat janë disa nga rregullat teknikë që duhen zbatuar gjatë përdorimit të një bombole gazi në shtëpi apo biznes?
”Ka një rregull teknik pë të përcaktuar saktë për volumin apo ambientin në të cilin vendoset bombula. Në një ambient të mbyllur që ka një volum 10 metër kub nuk lejohet të vendoset asnjë bombul. Në një ambient që është nga 10 deri në 20 metër kub lejohet të mbahet një bombul 15 kg, ndërsa nga 20 deri në 15 metër kub lejohet të mbahen dy bombula 30 kg”.
