Dy fëmijë mbetën të plagosur në një aksident rrugor në Rinas. Ngjarja ka ndodhur rreth orës 07:17, në rrugën e re të Rinasit, ku mjeti me drejtues shtetasin V.S., është përplasur me mjetin me drejtuese shtetasen A.M.
Si pasojë e aksidentit janë dëmtuar pasagjerët në mjet një 15 vjeçar dhe një 13 vjeçar, te cilet u dërguan në spital, dhe ndodhen nën kujdesin e mjekëve, jashtë rrezikut për jetën. Të dy drejtuesit e mjeteve ndodhen në vendngjarje për sqarimin e metejshme të ngjarjes. Grupi hetimor dhe shërbimet e Policisë vijojnë punën për zbardhjen e rrethanave të ngjarjes.