Deputeti Vullnet Sinaj , I nderuar të merrja pjesë sot në ceremoninë e vendosjes së emrit të Kaçandon Haxhirajt, rrugës së Mavrovës.

Këshilli bashkiak i Selenicës mori vendimin e duhur kur miratoi emërtimin e kësaj rruge me emrin e ish-administratorit të njësisë Kotë, një njeri punëtor që gëzonte respektin e të gjithëve.

Vite më parë, Kaçandon Haxhiraj nisi arsimin e lartë për pilot, por lufta e klasave të kohës ia preu ëndrrën në mes.

Më vonë ai përfundoi shkollën e lartë për Agronomi dhe punoi kryetar kooperative në Mavrovë.

Pas kthimit nga emigracioni, ai u angazhua në drejtimin e njësisë administrative derisa humbi jetën në mënyrë tragjike në vitin 2019.  Do ta kujtojmë gjithnjë me nderim jetën dhe veprën e Kaçandon Haxhirajt, ndaj vënia e emrit të tij rrugës së Mavrovës është në rradhë të parë, një detyrim moral që gjithë zona ia ka atij. Prehu në paqe dhe i paharruar qoftë emri yt!