Deputetja e opozitës së re, Rudina Hajdari është shprehur se përfaqësuesit e partive politike në Këshill po luftojnë për interesat e kryetarëve të partivë të tyre, teksa u shpreh e bindur se askush unk do të mund ta shantazhojë apo kërcënojë për hapjen e listave.
Fjala e Rudina Hajdarit: Lista fituese të përcaktohet nga votat e qytetarëve jo nga kryetari. Ndërkohë shikoj që opozita jashtëparlamentare ka mbështetur këtë propozim. Gjiknuri vazhdon me qëndrimin se propozimi i tyre mbështet listat e hapura, gjë që nuk është e vërtetë. Qytetarët shqiptarë janë ata që do të përzgjedhin kandidatët e tyre.
Pra propozimi i opozitës parlamentare është që listat të jenë të hapura 100% me kandidatët me një rend alfabetik dhe subjekti zgjedhor të shohë se kandidatët që marrin më shumë vota të shkojën në parlament. PS vazhdon i mëshon po të njëjtit propozim dhe ju e shihnni qartë që po i bëjnë hile shqiptarëve për ti shitur sapunin për djathë.
Por nuk e bëjnë dot, nuk i gënjejnë dot. Premtimet që i bëj i marr seriozisht. Anëtarët e këshillit kryesisht cojnë përpara apo luftojnë për interesat e ngushta të kryetarëve të tyre. Kjo histori duhet të marrë fund. Unë nuk do negocioj, nuk bëj asnjë marrëveshje në kurriz të shqiptarëve. Do të bëj cdo sakrificë për listat e hapura. Nuk mund të më shantazhojnë. Dua që listat e hapura të jenë 100% dhe boll më me kryetarë që përcaktojnë ata deputetë që i servilosen ditë e natë. Shqiptarët janë të lodhur dhe ne duhet të bëjmë të pamundurën për zgjedhjet e ardhshme.