Presidenti Donald Trump mori një koktej eksperimental të antitrupave për Covid-19 pasi u diagnostikua me koronavirus. “Vjen një pikë kur skepticizmi duhet t’i leri vendin pragmatizmit në kohë pandemie”, tha Leonard Schleifer, kreu i Regeneron, kompania e bioteknologjisë që po teston terapinë me antitrupa monoklonalë që mori Trump.
Por disa shkencëtarë janë të shqetësuar nga reagimi që mund të ketë organizmi i Trump, duke përmendur mundësinë se gjendja e tij mund të përkeqësohet edhe më shumë. Schleifer tha se duhet të presim të paktën një javë për të parë nëse situata e Trump do të përmirësohet. Disa burime për CNN kanë konfirmuar se Trump ka ethe dhe ndihet i lodhur.
“Unë mendoj se përdorimi i koktejlit eksperimental të antitrupave ishte zgjidhja e duhur,” tha shefi i Regeneron. “Nëse kemi më shumë anë pozitive përkundrejt atyre negative nuk kemi pse të shqetësohemi.”
Disa të dhëna të mëparshme nga provat e trajtimit të antitrupave të publikuara në fillim të kësaj jave, treguan se terapia ishte efektive dhe kishte shumë pak efekte anësore. Schleifer tha se ishte Shtëpia e Bardhë që vendosi të provonte terapinë me antitrupa. “Mendoj se Shtëpia e Bardhë ka ekspertët e saj dhe ata siguruar për vendimin që morën. Ata e dinë që antitrupat monoklonalë janë efektive”, tha ai. s.ba/abcnews.al