Ndërkohë që po fillon edhe stina e virozave, jo të paktë janë ata njerëz që futen në dyshime nëse po kalojnë një grip apo janë infektuar me COVID-19. Nuk është çudi nëse e gjeni veten me hundë të bllokuara, ngacmim në fyt apo shqetësime të tjera Nëse keni një ftohje të zakonshme, nuk ka asgjë të madhe për t’u shqetësuar. Por, sa zgjat ftohja para se të dyshoni për Covid?

Simptomat më të zakonshme Sipas mjekes Soma Mandal, ditët e para të ftohjes së zakonshme zakonisht fillojnë me simptomat e mëposhtme

– bllokim i hundës – hundë e lëngshme – dhimbje të fytit Pas kësaj, tre deri në pesë ditët e ardhshme mund të keni kollë dhe më shumë bllokim hundësh. Gjatë kësaj kohe sigurohuni të konsumoni sa më shumë lëngje për të lehtësuar simptomat. Meqenëse COVID-19 ka shumë simptoma të ngjashme me një ftohje të zakonshme, (të tilla si kollë dhe dhimbje të fytit) dhe mund të shfaqen diku nga dy deri në 14 ditë pas infektimit, CDC rekomandon që të testoheni si një masë paraprake.

Sa kohë duhet të zgjasë një ftohje e zakonshme Sipas dr. Mandal, një ftohje e zakonshme mund të zgjasë 7-10 ditë. Nëse simptomat tuaja vazhdojnë përtej kësaj jetëgjatësie tipike, (ri)konsultohuni me një mjek.