Ish-ministri i Brendshëm Saimir Tahiri nuk i ka humbur mbështetësit. Ai doli këtë të enjte para gazetarëve ku tha se në Itali ishin mbyllur hetimet për të pasi nuk ishin gjetur prova.
“Në përfundim të hetimeve u dha vendimi për pushimin e hetimeve se nuk ka asnjë të vërtetë. Unë sot kam vendimin e gjykatës ku thuhet se pushohen hetimet ndaj Tahirit se nuk ka asnjë lidhje me asnjë të paligjshme. Rezultati është ky sot, që autoritetet italiane me vendim të formës së prerë kanë mbyllur hetimet se unë nuk kam lidhje me asnjë të paligjshme” – tha Tahiri.
“E kujtoni si prokurorët donin arrestimin tim se ka ardhur dosja nga Italia? Basha donte arrestimin tim, opozita bërtiste se isha përfshirë në trafikun, Kryemadhi dhe kryemëdhenjtë e tjerë që ka nga mbara bënte të njëjtën gjë, u bënë bashkë të nënës dhe të njerkës bilbila dhe kopila që Tahiri të futej në burg.
Ua bëra qejfin më shumë se çe kishin menduar ata vetë kërkova hetim nga antimafia italiane dhe ata më çuan këtë vendim” – nuk la pa sulmuar Tahiri. Pas konferencës ai është ndalur edhe nga disa mbështetës që qëndronin para hotel Rogner ku u zhvillua konferenca. ©LAPSI.al