Nga lagja “Kamina” mund të shohësh detin dhe qytetin e Sarandës, por 70 familjet që jetojnë atje nuk ndihen pjesë. Mungesa e infrastrukturës dhe furnizimi me ujë një orë në ditë, janë dy probleme që jua vështirësojnë jetën banoreve. Kamina është një prej lagjeve të Sarandës, ku banorët nuk ndjehen pjesë e bashkisë bregdetare që në vitet e fundit drejtohet nga socialistët, ashtu si qeveria qëndrore. Banorët atje denoncojnë problemet me infrastrukturën, mungesën e ujit dhe pastrimin.
Depot e ujit u ndërtuan për furnizimin e zonës me uji 24 orë, por sot banorët detyrohen ta blejnë. “Ne ujin e blejmë me lekë, ne vuajmë për ujë dhe për rrugë, për asgje tjetër”, shprehen banorët. Ndriçimi dhe mungesa e trotuarëve e bëjnë rrugën që të çon në këtë lagje të rrezikshme gjatë natës. “Rruga është shumë e ngushtë, pa kanalizime, pa ndricim dhe kemi frikë të kalojmë natën”, shprehen banorët.
Në mungesë të kontenierëve, grumbujt me mbetje urbane janë lehtësisht të dukshëm. Bashkia që në 9 vitet e fundit është drejtuar nga tre socialist tonë se i ka lënë jashtë vëmendjes lagjet periferike. “Kam vajtur disa herë në bashki për tu ankuar për ujë dhe për rrugë, por ne nuk e njohim fare kryetarin e bashkisë”, shprehen banorët.