Lajme

“S’bie tërmet në Elbasan”/ Gjiknuri i përplas Ballës rezultatin e Vlorës: Historik, s’ka si shifrat e mia, jam i shkëlqyer

Damian Gjiknuri është kujdesur të jetë sa më i ftohtë në deklaratën e tij pasi i zuri vendin Taulant Ballës edhe në strukturimin e Partisë Socialiste edhe në drejtimin e qarkut të Elbasanit. I pyetur nga gazetarët sesi ndihet pas detyrave të reja që iu besuan, Gjiknuri solli në vëmendje rezultatin që Partia Socialiste mori në qarkun e Vlorës.

Më herët, Balla tha me ironi se “nuk bie tërmet në Elbasan“, duke i kujtuar Gjiknurit përgjimet e famshme të Bild, ku ish-ministri u kap duke biseduar me Imer Lalën dhe i thoshte “tërmet e bëmë tërmet”, referuar rezultatit të zgjedhjeve në Dibër.

FJALA E GJIKNURIT: Unë kandidimin tim të parë e kam pasur në Qarkun e Elbasanit. Është një detyrë e vështirë, sfidë e madhe. Natyrshëm që edhe unë kam eksperiencën time dhe do të bëj më të mirën të mundshme punën e nisur. PS është konfirmuar si forcë fituese dhe me vizion të qartë për të ardhmen.

Kam patur lidhjet e mia me qarkun e Vlorës dhe rezultati im është i shkëlqyer, historik dhe më i thellë dhe i arritur ndonjëherë në ndonjë qark në Shqipëri dhe bazuar në këtë eksperiencë do të bëj më të mirë.

A duhet të ishit kthyer ministër? S’ka rëndësi, edhe menaxhimi është sfidë që e mirëpres. Jam njeri i investuar gjatë në këtë parti. S’ka shqetësim për mua.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: