IKMT e drejtuar nga Dallëndyshe Bici në kulmin e sezonit turistik, edhe pse i varfër, vazhdon shembjet në bregdet. Madje qytetarët kanë denoncuar në RTV Ora rrafshimin e një objekti në Dhërmi edhe pse investitori kishte dhe leje ndërtimi, madje dhe taksa të paguara.
Në Dhërmi, një nga zonat më të frekuentuara në stinën e verës, shembjet vazhdojnë dhe në kulmin e sezonit.
Ky objekt ka nisur ndërtimin me leje, por punonjësit e Inspektoriati Kombëtar i Mbrojtjes së Territorit në varësi të Dallëndyshe Bicit nuk ndalen për të rrafshuar investimin.
Madje në ndihmë të tyre ka shkuar dhe IMT e Tiranës. Në denoncimin që qytetarët bëjnë në Ora News thuhet se objekti i shembur ka marrë tre ditë më parë dhe lejen për realizimin e punimeve. Madje në këtë dokument janë dhe tarifat vendore të paguara me një shifër prej 1 milionë lekësh në bashkinë e Himarës. Në një tjetër dokument denoncuesi publikon dhe taksat prej rreth 35 mijë lekësh të paguara.
Por tashmë jo vetëm ato janë kthyer në zero, por dhe investimi i realizuar me leje deri më tani. Në fakt fenomene të shembjeve në kulmin e sezonit janë regjistruar dhe në Velipojë, por Bici duket se ka zgjedhur të nisë aksionin në bregdet dhe në kohën kur numri i turistëve është i ulët. Ndërsa investitorët shprehen se me të tilla veprime mundësia që të ofrosh pushues është tejet e vogël.