Lajme

Shëngjin, fundoset varka me një familje brenda, u bë e mundur të shpëtohet 35 vjeçari

Për pak sa nuk ka rezultuar fatale për një 35-vjeçar që rrezikoi të mbytej në det pasi kishte dalë bashkë me familjen në një mjet të vogël lundrues.

Si pasojë e dallgëve të mëdha mjeti u fundos dhe burri nuk kishte mundur të dilte nga mjeti lundrues pasi dallgët e kishin tërhequr me vete. Policia Kufitare Shëngjin në bashkëpunim me Policinë Kufitare Shkodër kanë shpëtuar 35-vjeçarin.

Njoftimi i Policia Kufitare Shëngjin, Policia Kufitare Shëngjin në bashkëpunim me Policinë Kufitare Shkodër shpëtojnë një 35-vjeçar që rrezikoi të mbytej në det, i cili kishte dalë  bashkë me familjen në një mjet të vogël lundrues, ku si pasojë e dallgëve të mëdha mjeti u fundos.

Shërbimet e Policisë kufitare Shëngjin kanë marrë një telefonatë se një mjet lundrues ka dalë në det dhe si pasojë e dallgëve të mëdha  personat që ishin në bord rrezikonin të mbyteshin në grykëderdhjen e lumit Buna.

Shërbimet e Policisë Kufitare kanë dalë me mjetin lundrues të Policisë menjëherë në drejtim të adresës së dhënë dhe kanë njoftuar edhe sherbimet e Policisë Kufitare Shkodër. Si rezultat i operacionit të përbashkët të Policisë Kufitare u bë e mundur të shpëtohet shtetasi: D.P., 35 vjeç.

Mjeti lundrues ishte nisur nga Shëngjini për në grykëderdhjen e lumit Buna, ku familjarët kanë mundur të  zbrisnin nga mjeti lundrues, ndërsa shtetasi D.P., nuk ka arritur të zbresë, pasi e kanë tërhequr dallgët duke e përmbysur dhe fundosur mjetin e tij lundrues.

Ndërhyrja në kohë e Policisë Kufitare, bëri të mundur shpëtimin e shtetasit D.P., i cili është dërguar në spitalin Rajonal Shkodër dhe ndodhet nën kujdesin mjekësor, jashtë rrezikut për jetën, ndërsa familjarët janë dërguar në  banesën e tyre në Shëngjin.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: