Lajme

Shèrr me stjuardesën për vënien e maskës, 50-vjeçarja rrezikon 20 vite burg!

Një grua nga Teksasi rrezikon të dënohet me 20 vjet burg për shkak të sherri të ndodhur me një stjuardesë në avion për shkak të mbajtjes së maskës. 50-vjeçarja Debby Dutton, nga Cypress, Teksas, është paraqitur para një gjykate federale në Hjuston pasi dyshohet se ka sulmuar një stjuardesë gjatë një fluturimi të United Airlines nga Alaska në San Francisko më 29 qershor.

Gjatë fluturimit, një stjuardesë vuri re se burrit të 50-vjeçares Dutton (të cilin e kishte zënë gjumi gjatë fluturimit) i kishte rënë maska nga fytyra dhe stjuardesa e zgjoi për t’i thënë që të vendoste përsëri maskën përpara se avioni të ulej. Pasagjeri e respektoi këtë udhëzim. Aktualisht ekziston një urhdër federal për përdorimin e maskave në të gjithë SHBA, i cili është i zbatueshëm për të gjitha linjat ajrore dhe aeroportet në mbarë vendin.

Megjithatë, Dutton dyshohet se ka pasur mosmarrëveshje me stjuardesën dhe e irrituar i ka bërtitur asaj se “nuk ke pse e prek burrin tim, pse e zgjon atë”. Më pas ajo e ka shtyrë dhe janë përplasur edhe fizikisht me njëra-tjetrën. Për pasojë stuardesa u lëndua fzikisht. NdajDutton është ngritur akuza e sulmit fizik, kërcënimit dhe frikësimit të anëtarëve të ekuipazhit të fluturimit ose stjuardesat. Kjo akuzë mbart një dënim maksimal të mundshëm prej 20 vitesh burg.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: