fbpx
Lajme

Shkarkimi i Fatmir Xhafajt, lëvizje të shumta në ministrinë e brendshme

Lëvizje të shumta janë parë sot në mjediset e jashtme të Ministrisë së Brendshme.

Dy zv/drejtorët e Policisë së Shtetit, Aida Hajnaj dhe Gjovalin Loka kanë mbërritur në Ministrinë e Brendshme, pak pas daljes së lajmit për largimin e Fatmir Xhafajt.

Po ashtujanë parë të hyjnë në ministri dhe Drejtori i Departamentit të Policisë kriminale në Policinë e Shtetit, Eduart Merkaj, si dhe drejtuesja e SHÇBA-së Anila Trimi, si dhe zëvendësministrja Romina Kuko. Asnjë prej personave nuk ka preferuar të japë koment për mediat.

Lajmin për dorëheqjen e Xhafajt e dha rreth orës 8 e 30 të mëngjesit të sotëm kryeministri Edi Rama përmes një reagimi në Twitter ndërsa në vendin e tij emëroi Sandër Lleshin.

‘’Pranova dorëheqjen e ministrit Xhafaj, të cilin e falenderoj për kontributin e çmuar. Gjeneral Sandër Lleshi do të sjellë një energji të re pozitive në krye të Punëve të Brendshme. Traseja është e shtruar. Tani duhet rritur shpejtësia dhe duhen arritur rezultate edhe më domethënëse“, shkruante Rama në Twitter.

Nuk dihet nëse me emërimin e Sandër Lleshit në krye të ministrisë do të ketë ndryshime dhe në emrat e tjerë të organigramës.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button