Është shkarkuar nga detyra drejtori i Përgjithshëm i Parandalimit të Pastrimit të Parave, Elvis Koçi. Burime nga Këshilli i Ministrave bëjnë me dije se në vend të tij është emëruar, Iris Ago.
E diplomuar për Financë-Kontabilitet, Ago, rezulton se ka mbajtur pozicionin Këshilltar në Ministrinë e Financave dhe Ekonomisë që prej muajit dhjetor 2021.
Ajo ka mbajtur pozicionin e Drejtorit në Drejtorinë e Tatimpaguesve të Mëdhenj nga viti 2020 deri në vitin 2021.
Ndërkohë që gjatë periudhës 2017 – 2020 ka drejtuar Drejtorinë e Kontrollit Tatimor, pranë Drejtorisë së Përgjithshme të Tatimeve dhe në vitet 2016 – 2017 ka mbajtur detyrën e Këshilltarit pranë Drejtorit të Përgjithshëm të Tatimeve.