Lajme

Shkatërrohen 9 plantacione marihuane, arrestohen 10 shqiptarë në Spanjë

Policia spanjolle ka arrestuar dhjetë shqiptarë të dyshuar si pjesëtarë të një organizate kriminale që vepronte në Spanjë.

Në operacionin e zhvilluar nga policia, janë asgjësuar nëntë plantacione të marihuanës, ku në total ishin kultivuar 44 mijë e 382 bimë kanabisi në komunat Secastilla, Boltaña, Aínsa, Benabarre, Tierrantona dhe Fanlo.

Hetimet e para filluan në mars në përpjekje për të lokalizuar plantacionet e mundshme, të krijuara nga mafia ndërkombëtare për kultivimin, tharjen dhe paketimin e marihuanës për shitje të mëvonshme në Evropë.

Pranë plantacioneve u krijuan kampe ku banonin përgjegjësit të cilët për të pasur më shumë lëvizshmëri prenë pemët dhe rrafshuan masën pyjore për të sjellë ujë në plantacione dhe për të ndërtuar kasolle tharje.

Në operacionin “PERICULUM”, kanë ndërhyrë 82 agjentë nga njësitë e ndryshme të Kompanisë së tretë të Graus, të mbështetur herë pas here nga Shërbimi Ajror dhe Grupi i Aktiviteteve Nënujore (GEAS) të Zonës Aragon, si me qendër në Huesca ashtu edhe nga Njësia Organike e Policia Gjyqësore (UOPJ) e Gardës Civile të Huesca.

Procedurat e kryera nga kompania Graus, së bashku me të arrestuarit dhe efektet e sekuestruara, u vunë në dispozicion të Gjykatës në hetimin edhe dy persona të tjerë 23 dhe 29 vjeç me shtetësi shqiptare, vendndodhja e të cilëve nuk dihet me urdhër-arrest.

Artikuj të ngjashëm

Leave a Reply

Your email address will not be published.

Back to top button
Close