Një aksident i rëndë ka ndodhur mesditën e së dielës në qendër të qytetit të Shkodrës. Një automjet duket se nuk ka arritur të mbajë frenat dhe ka përplasur tre vajza në vijat e bardha.

Edhe pse ishin në rrugën e tyre, drejtuesi apo drejtuesja e mjetit due se nuk i ka parë dhe i ka marrë para. Ngjarja e rëndë pranë Radio Shkodrës është filmuar nga kalimtarët. Shkodra.info raporton se të aksidentuarat janë nëna me dy fëmijët.

Nëna ka marrë dëmtime të rënda, ndërsa dy fëmijët fatmirësisht kanë shpëtuar të pa lënduar. Ndonëse duket se ndalon pas aksidentit, mësohet se shoferi është larguar menjëherë nga vendi i ngjarjes.