Një aksident me pasojë vdekjen e një personi ka ndodhur mëngjesin e sotëm në aksin Shkodër Koplik. Policia njofton se një makinë tip “Mercedes Vito” ka përplasur një biçiklist, që për pasojë ndërroi jetë. Viktima është shtetasi I.H, 61-vjeç. Shoferi i makinës, N.G, 54-vjeç është shoqëruar në polici.
“Shkodër/Informacion paraprak. Rreth orës 06:30, në aksin rrugor Shkodër-Koplik, në vendin e quajtur Gruemirë Çezme, mjeti tip “Mercedes Vito”, me drejtues shtetasin N. G., 54 vjeç, ka aksidentuar një biçikletë që drejtohej nga shtetasi I. H., 61 vjeç, i cili si pasojë e përplasjes 61 vjeçari ka ndërruar jetë. Shtetasi N.G, është shoqëruar në Komisariat për veprime të mëtjeshme. Grupi hetimor ndodhet në vendngjarje dhe vijon punën për sqarimin e rrethanave të aksidentit”, njofton policia.