Një ngjarje e rëndë ka ndodhur mbrëmjen e kësaj të shtune në Shkodër, ky dy vëllezër teksa po udhëtonin bashkë me makinë janë qëlluar me a rmë z jarri në fshatin Bardhaj.

Euronews Albania mëson se të plagosur kanë mbetur vëllezërit Hoten dhe Marjan Doçaj, përkatësisht 30 dhe 23 vjeç. Të rinjtë janë qëlluar në krah dhe në këmbë, por sipas burimeve spitalore ndodhen jashtë rrezikut për jetën.

Policia e Shkodrës në njoftimin zyrtar thotë se motivet e ngjarjes janë ende të paqarta. Në vendin e ngjarjes kanë zbarkuar dhe Forcat e Ndërhyrjes së Shpejtë, të cilat kanë rrethuar zonën me qëllim identifikimin dhe kapjen e autorit/ve.

“Rreth orës 19.45, në fshatin Bardhaj, në rrethana ende të paqarta janë plagosur me armë zjarri dy vëllezërit M.D., 23 vjeç dhe H.D., 30 vjeç, të cilët janë transportuar në spital për ndihmë mjeksore, jashtë rrezikut për jetën”, njofton policia.