Një aksident me vdekje është regjistruar pasditen e sotme në aksin Shkodër-Velipojë. Ngjarja ka ndodhur në fshatin Trush ku një motor është përplasur me një makinë. Për pasojë ka gjetur vdekjen drejtuesi i motorit, Xhovan Malocaj, 23 vjeç. “Më datë 05.11.2020, ora 15:00, në aksin rrugor Shkodër  Velipojë, në fshatin Trush , ka ndodhur një aksident rrugor, ku janë përplasur automjeti tip Benz, me drejtues shtetasin D. D. 30 vjeç banues në Lezhë, me motor tip Suzuki me drejtues shtetasin Xh. M. 23 vjeç, banues në fshatin Trush, Shkodër, ku si pasojë e përplasjes ka ndërruar jetë” njoftoi policia. Po kryhen me grup hetimor, për sqarimin e rrethanave të aksidentit.