Ka shkuar në 15 numri i personave të prekur me koronavirus në vendin tonë, ndërsa një 73-vjeçare humbi jetën paraditen e sotme.
Në një dalje bashkë me kryeministrin, ministrja Manastirliu tha se në total janë testuar 238 raste.
Ogerta Manastirliu: Janë 238 raste të testuar dhe 15 raste pozitive. Sot kemi testuar 84 raste, nga të cilat 50 personel mjekësor ku kanë dalë rezultatet negative. Ndërsa nga rastet e tjera janë 34 raste të cilat 31 kanë dalë negative dhe 3 pozitive. Janë raste që lidhen me pacientin zero dhe janë futur në sistemin e vetëkarantinimit.
Ministrja dhe edhe lajmin e mirë, se personeli mjekësor në spitalin e Durrësit kanë rezultuar negativ.
Ogerta Manastirliu: Në kampionin e parë të testimeve që ne kemi realizuar në spitalin e Durrësit tek personeli mjek dhe infermier, dua të informoj se të gjitha testimet kanë rezultuar negativ. Pra mjekët dhe infermierët kanë punuar sipas të gjitha protokolleve. Ndërkohë që vijon kampioni i dytë i analizave.