Në aksin rrugor Bicaj -Kukës në afërsi të Lagjes Gostil të Kukësit një automjet ka aksidentuar një fëmijë E.M., 11 vjeç. Pas aksidentit autori është larguar nga vendi i ngjarjes.
Policia lokale, përmes zëdhënëses thotë se është vënë në kërkim të tij. Pas përpjekjes për ta kuruar në spitalin e Kukësit fëmija është nisur me ambulancë drejt Tiranës në gjendje të rëndë.
Njoftimi i policisë: Kukës/Informacion paraprak. Më datë 24.08.2020, në aksin rrugor Kukës-Gostil, një mjet tip “Mitsubish”, ka aksidentuar shtetasin e mitur E.M., rreth 11 vjeç, banues në Kukës. Drejtuesi i mjetit ka braktisur automjetin dhe është larguar nga vendi i aksidentit.
Fëmija i dëmtuar, pasi ka marrë ndihmën e parë mjekësore, po transportohet për mjekim më të specializuar në spitalin traumës Tiranë. Grupi hetimor ndodhet në vendin e ngjarjes, ku po punon për identifikimin e autorit dhe kapjen e tij, si dhe zbardhjen e shkaqeve të aksidentit.