Lajme

Shoqëria Civile protestë për dhunimin e 22 vjeçares nga Kenia, avokati: Kriminelët i mbyllën gojën Policisë!

Shoqëria Civile ka organizuar një protestë mbrëmjen e sotme pas ngjarjes së rëndë, ku një 22-vjeçare nga Kenia u dhunua barbarisht teksa prej muajsh ajo ndodhet në koma dhe ngjarja ende nuk ka një autor.

Ata kërkuan që të zbardhet e gjithë ngjarja, ndërsa akuzuan Policinë se ka mbuluar krimin e rëndë.

“Policia e Shtetit nuk u tha shqiptarëve se çfarë ndodhi, për një vajzë që ka ardhur nga një vend tjetër, ajo erdhi me një leje qëndrimi, dhe kur ke kontratë punë shteti shqiptar duhet t’ dalë zot këtyre njerëzve. Policia edhe pse kjo vajzë u plagos rëndë, në vend që ta bënte me dije, e fsheu këtë krim për muaj të tërë.

E fshehën të gjithë. Pse u fsheh ky krim? Ka të bëjë me një racizëm që nuk e ka Shqipëria, por disa koka të paformuara apo ka arsye të tjera. Policia e Shtetit për fat të keq është e kapur nga krimi. Kriminelet po bëjnë ligjin te policia.

Ata ia mbyllen gojën Policisë së Shtetit. Ne dyshojmë edhe gjëra të tjera që lidhen me Kodin Penal. A i coi shiritat e krimit atje. Dyshojmë se policia është pjesëtare vetë. Po te flas ajo krimi zbardhet. Nëse do ti ndodhte një minoritari grek do ishte shkulur Policia e shtetit”, u shpreh avokati Idajet Beqiri.

Artikuj të ngjashëm

Leave a Reply

Your email address will not be published.

Back to top button
Close