Xhavit Muça, 81 vjeç nga Lushnja, ka humbur çdo kontakt me familjen që me 19 prill.
Familjarët e tij, tregojnë për “BalkanWeb” se i moshuari, vuante nga skleroza, e muajt e fundit ka pasur gjendje më të renduar.
Ata tregojnë, se ditën që humbi mbante veshur një kapele republike ngjyrë bezhë, pulovër me rombe, këmishë të bardhë, pantallona bezhë dhe xhaketë të errët, ndërkohë veshjen e kishte kompletuar edhe me një maskë të zezë anti-COVID.
Familjarët bëjnë apel që qytetarët t’i ndihmojnë në gjetjen e të afërmit të tyre. Për herë të fundit ai është parë në terminalin furgonave Lushnjë-Tiranë.