Detaje të reja janë mësuar nga shpërthimi me tritol që ndodhi mbrëmjen e kësaj të diele në katin e parë të një hoteli në Sarandë. Në media thuhet se hoteli është në pronësi të familjes së Pajtim Yzeirit, i cili u vra disa vite më parë në Spanjë, duke i prerë kokën. Fatmirësisht nga shpërthimi lëndës plasëse nuk pati të lënduar në njerëz.
Njoftimi i Policisë:
Sarandë/Informacion paraprak. Më datë 24.04.2022, rreth orës 21:45, në lagjen nr.1, Sarandë, në katin e parë të një hotelit, në pronësi të shtetasit N. Y., ka shpërthyer një sasi lënde, e dyshuar eksplozive, ku si pasojë ka vetëm dëme materiale. Shërbimet e policisë kanë shkuar menjëherë në vendngjarje dhe po punojnë për zbardhjen e rrethanave të ngjarjes.