Lajme

Shpëtohen nga mbytja dy të rinj në Dhërmi, ishin duke lundruar në det me një gomone me lopata

Shërbimet e Stacionit të Policisë Kufitare Dhërmi kanë bënë të mundur gjetjen dhe nxjerrjen nga deti të dy të rinjve të cilët rrezikonin të mbyteshin së bashku me mjetin e tyre lundrues.

“Më datë 18.05.2022, rreth orës 20.00, pas marrjes së njoftimit nga Salla Operative e Komisariatit të Policise Himarë, se në vendin e quajtur “Rrugët e bardha”, në Palasë, dy shtetas të cilët ishin duke lundruar në det me një gomone me lopata, po rrezikoheshin dhe e kishin të pamundur të ktheheshin në breg për shkak të rrymave të forta detare, shërbimet e Stacionit të Policisë Kufitare Dhërmi u nisën menjëher në ndihmë të tyre,dhe pas kërkimeve të shumta, arritën ti konstatonin rreth 2 milje përballe bregut të dy shtetasit dhe konkretisht: S. B., 28 vjeç, dhe V. A., 25 vjeç, banues në Tiranë”, njofton policia e Vlorës.

Menjëherë nga shërbimet e Stacionit të Policisë Kufitare Dhërmi, u bë e mundur nxjerrja e tyre në breg, në gjendje të mirë shëndetësore.

Artikuj të ngjashëm

Leave a Reply

Your email address will not be published. Required fields are marked *

Back to top button
Close