Categories Lajme

Shqipëria, 4 porte të reja turistike dhe 2 porte tregtare

Kryeministri Edi Rama deklaroi sot se, përveç aeroporteve, Shqipëria do të ketë edhe 4 porte të reja turistike dhe 2 porte tregtare që do të fuqizojnë ekonominë. Duke folur gjatë ceremonisë së nënshkrimit të marrëveshjes për ndërtimin e Aeroportit të ri Ndërkombëtar të Vlorës, Rama tha se, “Shqipëria do të bëhet një vend ku numri i turistëve, numri i vizitorëve do të rritet eksponencialisht”.

Rama theksoi se, “nuk janë vetëm këto 4 porta nga qielli, ku hyjnë edhe dy porta të vogla, aeroporti sportiv i Korçës dhe ai i Gjirokastrës, që janë aeroporte të një niveli krejt tjetër, që sidoqoftë janë përsëri mundësi për të hyrë”. “Dhe 4 portet e tjera nga deti. Porti turistik i Sarandës që ka nisur nga puna. Ai i Durrësit që e prezantuam dhe që është tanimë në përgatitje për kantierin. Ai i Vlorës dhe ai i Shëngjinit që uroj dhe shpresoj së bashku me Belindën ta bëjmë të mundur që të fillojë brenda vitit 2023”.

“Injorantët insistojnë se Shqipëria nuk ka nevojë për aeroporte. Shqipëria nuk ka nevojë për porte. Shqipëria ka nevojë për bukë. Ndërkohë që, e para njëherë, shqiptarët nuk kanë vuajtur për bukë qysh nga koha e Skëndërbeut. Për bukë në kuptimin e urisë, kurrë. Për arsye të vetë mënyrës sesi është e formësuar bashkësia shqiptare”, tha Rama. “Ne përveç porteve turistike do të kemi dhe dy porte të reja tregtare të Durrësit dhe të Vlorës. Portet janë fabrikat më të mëdha të bukës për një vend. Në kuptimin metaforik të fjalës dhe në këtë rast nuk flitet për bukë në kuptimin e ngushtë, por flitet për bukën e madhe të ekonomisë”, theksoi Rama.

“Kroacia ka 4 milionë banorë dhe është një nga plot shembujt që mund të sillen këtu. Ka 9 aeroporte. Është fuqia e 7 turistike e botës. Një vend i vogël, i cili megjithëse është një vend i bekuar dhe shumë i bukur, nuk e ka kurrsesi të plotë, siç e kemi ne, dhuratën që na ka bërë Zoti. Sepse Zoti Shqipërinë duket sikur e ka bërë ditën e dielë kur e ka pasur pushim. E ka qëndisur dhe në hapësirë kaq të vogël, ne kemi jo vetëm turizimin bregdetar të Kroacisë, por kemi kapacitete të jashtëzakonshme për turizmin malor, kemi kapacitete të jashtëzakonshme për agroturizmin”, tha Rama.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME
Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME