Zv.ministrja e Shëndetësisë Mira Rakacolli në një dalje publike për mediat ka theksuar dhe njëherë se nuk është konfirmuar asnjë rast pozitiv me koronavirus në Shqipëri.
“Janë testuar 13 raste me histori udhëtimi përfshirë edhe Italinë, por kanë rezultuar negativ. Është miratuar fondi shtesë 1 milion dollarë vetëm për shtimin e stokut të materialeve mbrojtëse. Nëse keni temperaturë, kollë, rrufë dhe histori udhëtimi nga vendet e prekura, telefononi në numrin 127” tha ajo.
Ndërkohë Rakacolli foli dhe për vdekjen e një pacienti 45 vjeçar ditën e djeshme i cili u nis me urgjencë ditën e djeshme nga Berati por që ndërroi jetën në QSUT duke mohur të ketë lidhje em virusin COVID-19.
“Pacienti ka humbur jetën si rezultat nga një pneumoni që është konstatuar se ka qenë i prekur edhe nga gripi stinor. Nuk ka pasur asnjë lidhje me koronavirusin”, u shpreh ajo.