Koronavirusi i ka marrë jetën sot inxhinierit të njohur shqiptar, Ismail Beka. Jetën e tij ai ia përkushtoi turizmit dhe mbante postin e zv.drejtorit në fondacionin gjerman GTZ. Lajmin e trishtë të ndarjes së tij të parakohshme nga jeta e kanë dhënë miqtë dhe familjarët e tij përmes dedikimeve prekëse në rrjete sociale.
Ekspertiza e tij ka qenë e vlefshme për shumë e shumë shqiptarë, që e kanë pritur në shtëpitë e bujtinat e tyre, ndërsa Ismali me pasion, i ndihmonte të thithnin sa më shumë projekte për të zhvilluar turizmin. Në Alpet Shqiptare njihet më shumë, por firma e tij është në pjesën më të madhe të projekteve të GTZ në Shqipëri.