Ministri i Mbrojtjes, Niko Peleshi, reagon sërish për situatën e krijuar nga zjarri në Ishullin e Sazanit, duke theksuar se “Tymi i krijuar rrezikon qëndrimin në zonë”.

Ministri Peleshi thekson se situata vijon të jetë kritike, pasi flakët përhapen për shkak edhe të erës.

“Prej orëve të para të ditës ka rinisur puna për shuarjen e zjarrit në ishullin e Sazanit. Situata vijon të jetë kritike, pasi flakët përhapen për shkak edhe të erës. Është shtuar numri i efektivëve që janë angazhuar në aksionin e shuarjes së zjarrit, me pjesëtarë të Flotiljes Detare në Pashaliman, efektivë të Forcave Speciale, zjarrfikëses së Vlorës dhe vullnetarë. Tymi i krijuar rrezikon qëndrimin në zonë, ndërsa përpjekjet po vijojnë për të mbajtur situatën nën kontroll”, shkruan ministri Peleshi.