Lajme

“S’ka kuptim festa pa birrën Korça”/ Qytetarët të mahnitur nga organizimi: Fantastike!

Muzikë, atmosferë dhe birra Tirana e Korça në tavolinat e të gjithë të pranishmëve. Komponentët e duhur për ta bërë të mrekullueshme çdo festë, njëjtë siç po ndodh dhe në Korçë këtë mbrëmje. Qytetarët e shumtë që po ndjekin nga afër koncertet, në dy pikat kryesore të qytetit, në Terminalin e ri dhe Pazarin e Vjetër, kanë shprehur kënaqësinë e tyre për ambientin e krijuar.

Disa prej tyre e kanë për herë të parë vizitën në festën e famshme, ndërsa premtojnë se do të rikthehen sërish. “Vij për herë të parë. Mësuam për këtë nëpërmjet medias, jemi shumë të kënaqur. Duam të vazhdojë kjo traditë. Vijmë gjithmonë në Korçë dhe ndihemi shumë mirë”, tha një qytetar.

Një tjetër u shpreh:

“Kam ardhur nga Tirana. Hera e parë që vij këtu. Kam ardhur me familjen. Jemi informuar më parë për festën. Në përgjithësi janë marrë masat për këtë aktivitet, siguria është e lartë. Ambienti është i bukur. Korça më pëlqen shumë, do të vij sërish.

Të shumtë janë dhe emigrantët që vijnë posaçërisht për të ndjekur festën e birrës. Ato thonë se janë të kënaqur nga organizimi, duke kërkuar që shembulli i ndjekur në Korçë të transmetohet edhe në bashkitë e tjera të vendit.

“Ne vijmë nga Greqia. Kemi dëgjuar shumë për këtë festë. Korça gjithmonë i ka traditat, bashkitë e tjera duhet të marrin shembull nga Korça. Të vish në Korçë e të mos pish birrën Korça më mirë të mos vijmë fare. Për festën e birrës është hera e parë që vijmë. Organizimi duket shumë mirë, por thjesht duhet të ruhemi nga COVID-i”, tha një qytetar.

“Vij nga Greqia, jam nga Elbasani dhe ndodhem këtu. Për fat të keq është hera e parë që vij në Korçë. Është shumë bukur, diçka e veçantë. Shikoj që të gjithë kalojnë gëzuar, çdo gjë më duket mirë. Në Korçë kam ardhur gjithmonë, sepse nuset i kemi nga këtu. Por për festën e birrës vijmë për herë të parë. Këtë herë është shumë bukur. Birra Korça i përshtatet traditës, qytetit dhe shijes tonë”, tregoi një tjetër.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: