SKANDAL , Rikthehet fenomeni i grabitjes së kapakëve të pusetave në Vlorë.
Persona të “maskuar” si mbledhës plastike, kanë grabitur mbrëmjen e djeshme në orën 21:40 minuta, kapakun e një pusete në bllokun e banimit pranë Postës në qendër të qytetit.
Ujësjellës Kanalizime Vlorë, publikon videon nga momenti i grabitjes, ndërsa kërkon nga Policia e Vlorës, të vendoset në lëvizje për evidentimin e dy autorëve të kësaj grabitje.
Ju bëjmë thirrje të gjithë qytetarëve që mendojnë se mund të ushtrojnë këtë veprimtari kriminale se do të përballen me ligjin. Me këto veprime të jashtëligjshme, i krijohet dëm ekonomik Ujsjelles Kanalizime Vlore por edhe rrezikohet jeta e qytetarëve!
