Categories Lajme

Skandali me ushqimet e skaduara, pronari Mihal Kote përfundon në spital pas arrestimit

Gjykata e Tiranës ka caktuar masën e sigurisë “arrest shtëpie” për 62-vjeçarin Mihal Kote i cili u arrestua nga policia pas denoncimit të emisionit Stop në Tv Klan, që subjekti i tij “Saranda Al” tregtonte ushqime të skaduara dhe me etiketë të ndryshuar.

Klan News raporton se Mihal Kote ishte ndjerë keq pas shoqërimit në paraburgim dhe shfaqi probleme shëndetësore. Pasi këtij momenti, ai u dërgua në spital dhe gjyqtari Artan Gjermeni u detyrua të shkonte në ambientet spitalore për t’i komunikuar masën e sigurisë arrest shtëpie nisur nga rrethanat e krijuara.

Mihal Kote deklaroi se vuan nga hipertensioni dhe ka probleme me pagjumësinë dhe nivelin e oksigjenit, e për këtë përdor një aparaturë të posaçme. Për këtë arsye, gjykata e la në arrest shtëpie.

Në subjektin tregtar “Saranda Al” u konstatua se Kote kishte ndryshuar datat e skadencës të disa produkteve që prodhonte. Ai kishte paraqitur etiketa të rreme të disa produkteve ushqimore që shiste dhe disa produkte të tjera i kishte të pa pajisura me fatura tatimore me TVSH. Një ish-punonjëse e këtij subjekti tregoi për emisionin “Stop” se gjithçka aty ishte e falsifikuar dhe jashtë standardeve të konsumit. Në ambientet e këtij subjekti mblidhej vaj luledielli i skaduar, pa etiketë dhe ri-ambalazhohej me etiketë të re nën emrin “Saranda Al”.

Po kështu kaçkavalli i grirë prodhohej nga djathi i mykur, që pastrohej e grihej, për t’u rihedhur në treg nga “Saranda Al”. Pas transmetimit në “Stop, ka reaguar AKU, duke bllokuar 10 tonë vaj, 400 kg kaçkavall, 4 tonë djathë të bardhë, 300 kg salcë kosi e 200 kg reçel fiku.

Emisioni Stop denoncoi mbrëmjen e së martës rastin se si ky subjekt tregtar vajin e sallatës e shiste për vaj ulliri, kur në të vërtetë përzihej me ngjyrues dhe kimikate të tjera.

Për të vërtetuar këto të dhëna, Stop publikoi pamjet e kamerave të fshehta nga brenda magazinës së “Saranda Al”, ku dukej i gjithë procesi, si dhe pronari Mihal Kote që udhëzonte punëtorët se si të vepronin.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME