Categories Lajme

Skandali/ Ministrja e Arsimit, Evis Kushi, kapet me plagjiaturë. Kopjoi edhe shifrat e Azisë sikur janë të Shqipërisë

Ditën e djeshme, në fillimin e vitit të ri shkollor, u mësua se Shqipëria do të kishte një ministre arsimit të re. Në vend të Besa Shahinit, Edi Rama emëroi Evis Kushin.

Por, ditën e sotme, akademiku Valdimir Kola, ka zbuluar se zonja Kushi ka bërë plagjiaturë, pra ka kopjuar, një punim ku është bashkëautore. Plagjiatura është bërë nga një punim i autorit me emrin Eric Chang, i cili në kohën kur e ka bërë studimin, ka qenë asistent profesor në Universitetin Shtetëror të Michigan.

Një skandal i tillë, duhet të sjellë në largimin e menjëhershëm të Evis Kushit, pasi nuk mundet që Ministrja e Arsimit të një vendi, të ketë bërë plagjiaturë dhe të sjellë shembullin se duke kopjuar punët e të tjerëve, mund të arrish poste të larta ministrore.

“Artikullit shkencor me titull “Political transition , Corruption and income inequality in new democracies. Special case Albania”, i vitit 2010, me autore Marsida Ashiku dhe Evis Kushi, është kopjuar nga një tjetër artikull shkencor me titull “Political Transition, Corruption, and Income Inequality in Third-wave Democracies”, i vitit 2007, me autor Eric Chang.
Artikulli shkencor i kopjuar është paraqitur nga autoret në një konferencë shkencore me titull <<6th International Conference of ASECU, “Economic development, tax system and income distribution in the countries of Southern and Eastern Europe”>> që është mbajtur në Fakultetin e Ekonomisë, në Podgoricë, Mal i Zi, më 20-22 maj 2010.”, shkruan Kola.

Në fakt, po të krahasohen të dyja punimet, ajo e Eric Chang dhe e Evis Kushit në bashkëpunim me Marsida Ashiku, aty jo vetëm që ka ngjashmëri, por ka edhe fjali identike.

Ajo që e bën fare qesharake këtë plagjiaturë të ministres së re, është fakti se vlerat numerike për shtete të ndryshme në Azi, janë paraqitur sikur janë të njëjta edhe në Shqipëri. Siç shihet në tabelat më poshtë perceptimi i qytetarëve të Koresë së Jugut, Mongolisë, Filipineve, Taivanit dhe Tailandës, është identike me perceptimin e qytetarëve të Fierit, Elbasanit, Durrësit, Vlorës dhe Tiranës.

Në artikullin me autore Marsida Ashiku dhe Evis Kushi, janë kopjuar nga artikulli origjinal teksti dhe referencat (burimet e tjera shkencore). Madje, është edhe interesante të vihet në dukje se disa vlera numerike në përqindje, që gjenden në artikullin origjinal (2007, faqja 13) për shtete të ndryshme të Azisë, në lidhje me perceptimin e pabarazisë, janë paraqitur të njëjta si vlera në artikullin e kopjuar (2010, faqja 34) për ca qytete të Shqipërisë. Pra, në artikullin e kopjuar, thjesht janë hequr shtetet e Azisë dhe në vend të tyre janë vendosur ca qytete të Shqipërisë, por vlerat numerike, në lidhje me perceptimin e pabarazisë, janë të njëjta në artikullin e vitit 2007 (shtete të Azisë) dhe 2010 (qytete të Shqipërisë). Edhe konkluzionet, në artikullin e vitit 2010 janë të njëjta me konkluzionet e artikullit të vitit 2007“, shkruan Kola. TPZ

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME